Ayiti -Ensekirite: Kolektif 4 Desanm ak divès lòt òganizasyon pral òganize yon mach kont ensekirite.

0
204

 

Redaktè: Delzy Gélus

Manm Òganizasyon Kolektif 4 Desanm yo ini vwa yo avèk divès lòt Òganizasyon nan sosyete a tankou , MOVID, ASE , Palman popilè, pou n site sa yo sèlman, pou denonse fenomèn ensekirite a k ap ravaje peyi Dayiti depi yon bon bout tan epi lanse yon mach pasifik nan dat k ap 14 fevriye 2020 an pou di non ak fenomèn sila.

Kòdonatè Kolektif 4 Desanm nan, Jean Robert Argant nan kad yon konferans pou laprès lendi 10 fevriye 2020 an envite popilasyon an nan yon gwo mach pasifik òganizasyon li ap jere an ak anpil lòt ankò prevwa òganize vandredi 14 Fevriye k ap vini la nan lide pou di non kont tout fòm ensekirite k ap brase bil pèp Ayisyen an depi yon bon bout tan.

Yon lòt bò pòt pawòl Òganizasyon Federasyon Asosyasyon K ap Defann Dwa Moun Andikape yo, Jean Chevallier Sanon nan menm konferans lan fè konnen mach pasifik sila ap kòmanse 10è nan maten nan zòn kafou Ayewopò pou rive devan Ministè Jistis vandredi 14 Fevrye k ap vini la . Selon mesye Jean Chevallier, se yon mannyè pou yo kapab fòse otorite yo pou pran bonjan dispozisyon pou frenen klima ensekirite a pi presizeman zafè kidnapin ki pran peyi an, dapre li menm, nan kòmansman 2020 an.

Pi lwen Mèt Eveld Fanfan deklare mach sila pa genyen anyen a wè avèk dosye politik se jis yon mouvman y ap fè kont ensekirite a k ap fè ravaj nan peyi a , ki frape tout sektè nan lavi nasyonal la, nan sans sa Dwayen an mande ak tout moun k ap vin patisipe nan mach sila pou afiche yon bon kopòtman ki kapab montre y ap chache lapè tout bon vre an Ayiti.

LEAVE A REPLY

Please enter your comment!
Please enter your name here