Ayiti-Ensekirite: Òganizasyon Fòs Pèp envite popilasyon an pran lari 14 fevriye 2020 an pou di Aba ensekirite ak kidnapin.

0
122

Redaktè: Glosy Yourivingtown Vecche

Nan yon nòt pou laprès kote sal nouvèl RD PLUS FM (87.5) resvwa yon kopi jedi 13 fevriye 2020 an Òganizasyon Fòs Pèp eksprime mekontantman l parapò sitiyasyon regretab li konstate popilasyon ayisyèn nan twouve l depi plizyè mwa, sitou avèk monte fenomèn ensekirite a ak kidnapin nan sou bout sòl Jean Jacques Dessalines nan. Yon reyalite, selon estrikti sila, ki rann peyi a vin pi mal.

Kesyon ensekirite a ak dosye kidnapin nan pa sispann soulve anpil deba nan divès sektè nan lavi nasyonal la pou wè kòman sa yo ka rezoud nan peyi a. Nan menm lanse a Òganizasyon Fòs Pèp ki regwoupe 250 lòt estrikti nan yon nòt pou laprès montre yo menm tou paka dijere moman inakseptab sa peyi a ap konnen an depi plizyè mwa.

Yon konjonkti malgre tout peripesi li pa sispann mete pitit pèp la sanble pa bay otorite konsène yo twòp pwoblèm si n ta vle kwè nòt la paske, selon dirijan òganizasyon sila, se kòb yo pral depanse nan banbòch lè yo chwazi òganize kanaval nan peyi a nan mwa fevriye a.

Pou fòse mouche Leta pran men l nan dosye ensekirite ak kidnapin nan, manm Òganizasyon Fòs Pèp yo envite tout sitwayen ak sitwayèn ki santi yo bouke nan moman difisil sila pou desann nan lari a pou al fè tande kri yo.

N ap souliye se sekretè jeneral estrikti sila Joseph Phanis ki siyen nòt sa.

Men lis reprezantan lòt òganizasyon ki siyen nòt sila:

Baz Pènoel
32 : Nasson Pènoel.

Pon 44:Morose Norvil.

CRG25:Gentilhomme Igobert

MO3 : Jean Junior Joachim.

Fòs Canapevert: Wilson louis.

Mouvman Fanm Angaje: Michelle Simon.

LEAVE A REPLY

Please enter your comment!
Please enter your name here