Ayiti-Jistis: Plizyè sitwayen manifeste pou mande twazyèm tranch rapò Petwokaribe a.

0
115

 

Redaktè: Glosy Yourivingtown Vecche

Plizyè fi kou gason reyini yon lòt fwa ankò devan lakou siperyè dèkont madi 11 fevriye 2020 an ,nan lide pou kapab kontinye mande twazyèm tranch rapò Petwokaribe a, selon yo menm, otorite nan peyi an pa manifeste volonte pou trete dosye sila.

Li te nan 11zè 23 minit madi 11 fevriye 2020 an , RD PLUS FM ki te sou plas pou suiv mouvman kontestasyon sila, konstate anpil moun plante pikèt devan lakou dèkont avèk pankat nan men yo ,landan yo nou kapab li:  » pèp la di yo vle jwenn twazyèm tranch rapò Petwokaribe a, lajan Petwo a te ka bay pèp lamanjay  » pou n site sa yo sèlman.

Kòdonatè platfòm ekilib la ,Octoleme Grantz ki te prezan nan kad mouvman sila deklare nan mikwo RD PLUS FM (87.5) , 4 .2 milya dola ameriken pwogram sila endividi malonèt yo gaspiye a te ka rezoud plizyè pwoblèm k ap bwase bil sosyete a tankou: peye polisye yo, kreye anplwa atravè kesyon enfrastrikti a nan konstwi bon wout , lopital, lekòl, elatriye.

Nan sans sa mesye Octoleme ki swete enstitisyon sila kontinye fè travay li jan sa ta dwe ye denonse tout moun ki anvizaje politize lakou dèkont pandan l mande lajistis met men nan pat kasav tout dilapidatè fon pwogram Petwokaribe a.

LEAVE A REPLY

Please enter your comment!
Please enter your name here