Ayiti-Kilti : Tout dispozisyon ap pare pou pran pou dewoulman dizyèm edisyon kanaval kafou an.

0
87

 

Redaktè: Glosy Yourivingtown Vecche

Tout dispozisyon ap pare pou pran pou garanti bon dewoulman dizyèm edisyon kanaval kafou k ap gen pou fèt anba tèm « Ann kole zepòl pou devlope kafou », soti samdi 15 pou 16 fevriye 2020 k ap vini la, selon kòdonatè an apre komite kanaval kafou a , Joseph Jean Richard.

Nan kad patisipasyon li nan emisyon  » Couleur Café » jodi lendi 10 fevriye 2020 an, yon emisyon sosyo-kiltirel ki pase sou antèn RD PLUS FM (87.5) , soti lendi pou rive mèkredi 10zè nan maten pou fini midi, Joseph Jean Richard fè konnen nan kad premye soti show sila , tout mezi ap gen pou adopte konsènan pwoblèm ensekirite a atravè komisarya  » Omega ak St Charles « , yon mannyè pou yo rive garanti tout bon vre sekirite tout patisipan yo tankou responsab yo te kòmanse fè l pandan 2 dimanch avan dewoulman kanaval ofisyèl la, toutfwa li presize fenomèn ensekirite a plis blayi kò l matisan olye nan komin Jude Edouard Pierre ap dirije a .

Pi lwen poze l kesyon sou pwoblèm pwòpte a, kòdonatè an apre komite 10zyèm edisyon kanaval kafou a, deklare komin 13 seksyon kominal la pat janm konn sal sitou atravè demach, selon li, premye sitwayen komin nan toujou anplwaye pou lite kont kesyon fatra a. Pou kontinye ret nan menm liy la, Joseph Jean Richard ,anonse y ap kontinye pwòpte komin nan sitou pandan peryòd manifestasyon kiltirèl sila, paralèlman mesye Joseph anonse komin nan ap gen kouran jan sa ta dwe ye toujou nan objektif pou fasilite reyisit aktivite kiltirèl sila.

Yon lò kote dezyèm ala tèt komite sila avanse pou enfòme tout kafouwa ak kafouwaz, DJ Tonymix , Gwoup Rèv, ak anviwon 7 bann rara y ap gen pou rekrite atravè plizyè kritè manm jiri yo etabli, pami yo: disiplin , kapab anime fou l ,koyegrafi pou n site sa yo sèlman, san konte kèk gwoup mizik sipriz, ap prezan pou kreye animasyon pou satisfè tout patisipan yo . pandan l pwofite konseye pou youn veye sou lòt.

LEAVE A REPLY

Please enter your comment!
Please enter your name here