Ayiti- Politik: Manm Sektè Demokratik e Popilè yo anonse yo pa nan dyalòg Legliz Katolik ap òganize a.

0
235

Redaktè: Glosy Yourivingtown Vecche

Manm Sektè Demokratik e Popilè yo deklare nan kad yon konferans pou laprès jedi 30 janvye 2020 an , yo pa nan lojik dyalòg  » Nonciature Apostolique » (Legliz Katolik) ap reyalize a paske , n ap site pawòl patizan sektè Demokratik e Popilè yo: li pa reflete revandikayon popilasyon an, ekzanp: limyè sou gaspiyay fon Petwokaribe a, fenomèn ensekirite a ki pa sispann fè anpil san koule nan peyi a, pou n site sa yo sèlman.

Nan sans sa youn nan pòt pawòl estrikti sila , Mèt André Michel , kwè sitwayen ki chwazi al nan diskisyon Legliz Katolik ap fè a, se pou al met sou pye yon nouvo gouvènman pou ka al jere pòs nan pouvwa a.

« Anpil moun tonbe nan manifestasyon yo, sitiyasyon mizerab yo twouve yo a pa janm chanje. » ajoute òm lwa a nan mikwo RDPLUS FM (87.5). Fas ak difikikte sila yo mèt Andre Michel, presize yo menm nan opozisyon an t ap trè malonèt si yo t al nan rankont slia, nan sans sa opozan fawouch pouvwa anplas la ki montre yo pap lage kesyon Petwokaribe a anonse lendi 3 fevriye 2020 k ap vin la, plenyan Petwokaribe yo pral depoze yon plent kont jij Ramoncite Accimé nan Konsèy Siperyè Pouvwa Jidisyè (CSPJ nan sig li an franse), pou move fason, dapre Michel, l ap mennen dosye dilapidasyon lajan sila a.

Senatè ou ansyen senatè Nenel Cassy, sou bò pa l denonse sa li rele machin represyon pouvwa anplas la ap fè sou pèp la chak jou, nan prèske tout peyi a. Yon lòt kote , senatè NIP lan fè konnen yo pa bezwen eleksyon ak rejim dezyèm vèsyon PHTK a paske, selon li, se ta youn nan objektif entènasyonal la, pou sa li enfòme pa twò lontan y ap gen pou ekri plizyè enstitisyon entènasyonal tankou: Nasyon Zini, OEA, CARICOM, elatriye, nan lide pou eksplike pozisyon pèp la fas ak sitiyasyon malouk y ap viv la, pandan l anonse mobilizasyon yo pral reprann nan peyi a avan lontan.

Shiller Louidor ki te prezan sou tab konferans lan tou, nan deklarasyon li kalifye tout sitwayen ki al patisipe nan chita pale legliz katolik ap fè a kòm visye, pandan l te pwofite di endividi sa yo pat janm nan lari a, se sa k fè, dapre doktè a, sektè Demokratik la ap gen pou al vizite plizyè depatman depi vandredi 31 janvye 2020, pou ka al echanje ak moun yo sou nesesite ki genyen pou rete moblize annatandan yo prezante nouvo kalandriye mobilizasyon an.

N ap fè n konnen manm Sektè Demokratik e Popilè yo , te pwofite remèt kèk pri rezistans pou demokrasi ak plizyè moun ki te viktim nan kad mouvman yo. Men non kèk benefisyè : Nicolson Pierre
Jean Robert Vincent
Abel Gédeon
Josnel Civil
Pasteur Grégoire
Jean Fenel
Fernadon Duclair.

LEAVE A REPLY

Please enter your comment!
Please enter your name here