Ayiti-Politik: Responsab Viv Ayiti yo denonse fenomèn ensekirite a.

0
82

Redaktè: Maurant Jamesky

Responsab òganisazyon politik Viv Ayiti yo denonse ak tout fòs yo jedi 13 fevriye 2020 an nan kad yon konferans pou laprès kesyon ensekirite k ap taye banda anndan peyi an pandan dènye tan sa yo epi lonje dwèt sou kiyès ki lakoz fenomèn sila.

Kòdonatè estrikti sila, Rony Timothée nan okazyon an pa mete dlo nan bouch li pou fè konnen depi premye mouvman kontestasyon kont pouvwa anplas la , estrateji gouvènman Moïse ak Lapin an se mache alimante geto yo pou anpeche popilasyon an manifeste kont sistèm divès militan politik kalifye « peze souse », dapre lidè politik la, ansyen prezidan Joseph Michel Martelly ak Laurent Salvador Lamothe se moun ki enplike plis nan kesyon ensekirite a akoz , lè yo te chèf, selon Rony, yo pat sispann jere plizyè baz pou yo te ka rete sou pouvwa .

Rony Timothée kontinye pou l denonse tout atak dirijan Viv Ayiti yo ap sibi anba men kèk otorite nan Leta a paske yo te denonse komisyon dezameman (CNDDR) la kòm antite Prezidan Repiblik la ta itilize poul fè sikile minisyon nan katye popilè yo sou pretèks y ap fè dezameman.

Nimewo 1 Viv Ayiti a fè konnen nan sitiyasyon peyi a ye la pa ta dwe gen kanaval ane sa, dapre li, Jean Michel Lapin ta dwe bay rapò sou lajan twa kanaval ki pase nan men l yo avan l pwononse l sou kesyon kanaval pou ane 2020 an.

Biron Odigé bò kote pa l fè konnen se volonte otorite konsène yo pa genyen pou yo konbat kesyon enserite ak kidnapin nan akoz, selon li menm, se yo ki bay zam yo nan katye popilè yo, nan sans sa li mande tout sitwayen ki renmen peyi a tout bon pou pran responsabilite yo pou konbat tout endividi mal entansyone k ap teyorize yo.

LEAVE A REPLY

Please enter your comment!
Please enter your name here