Ayiti-Sante: Joseph Lebien kontinye mande otorite konsène yo pa imilye Lopital Inivèsite Leta Ayisyen an.

0
89

 

Redaktè: Delzy Gélus

Nan yon konferans pou laprès Jedi 13 fevriye 2020 an prezidan Sendika Travayè Sante yo (STS) nan Lopital jeneral, Joseph Lebien anonse ak gran piblik la se premye fwa youn nan pi gwo Lopital repiblik la genyen twouve l nan yon eta deplowab konsa kote pa janm gen materyèl pou satisfè tout moun ki vin nan Lopital la.

Nan menm konferans lan, premye chèf Sendika Travayè yo fè konnen sa genyen aviwon 12 mwa depi li adrese l dirèkteman avèk otorite yo ki nan tèt Ministè Sante Piblik pou mete disponib divès materyèl tankou yon abilans , yon tibis pou n site sa yo sèlman yon mannyè pou transpòtasyon ka ijan yo kapab vini pi fasil, sepandan, selon prezidan Lebien, pyès Otorite pa janm reponn ak demann sila yo.

Pi lwen prezidan Joseph Lebien anonse yon arè travay pou lendi k ap vini la si tout fwa responsab yo ki nan tèt Ministè sante piblik la pa ta deside reponn ak demann sila yo ki kapab ede yo ofri pi bon sèvis ak popilasyon an.

LEAVE A REPLY

Please enter your comment!
Please enter your name here