Diplomat Kalebe Augustin eksprime enkyetid li konsènan konjonkti sosyo-politik peyi Dayiti!

0
488

Redaktè: Glosy Yourivingtown Vecche

Nan yon nòt pou laprès diplomat Kalebe Augustin pibliye mèkredi 12 fevriye 2020 an , kote nou menm nan sal nouvèl RD PLUS FM (87.5) nou resevwa yon kopi. Ladan l nou rive li pozisyon evantyèl kandida pou pòs depite nan komin Ti Rivyè (Latibonit) fikse pozisyon l konsènan sitiyasyon difisil peyi Dayiti twouve l, yon sitiyasyon, selon li, ki mete dlo nan je kay tout vrè pitit tè a.

Gouvènman ale, gouvènman tounen, sila yo ki te gen chans nan pouvwa ou byen ki toujou nan pouvwa a, toujou ap byen mennen avèk gwo mak machin, kèk nan yo pitit yo ak madanm yo pap viv an Ayiti, sepandan konsta yo montre a klè mizè a vin pi di , moun paka manje nan lòd nòmal paske rechèch yo montre nwa sou blan chak jou moun k ap viv nan peyi a kote majorite ladan yo se jèn ,leve ak pi piti yon dola ameriken (92 goud) nan men yo, pandan pla manje vann nan entèval 125 goud ak 200goud kote ki pa twò estanda yo » anba dra ».

Fas ak reyalite ineksplikab sila prezidan CEO Orphans United la, Kalebe Augustin soti nan silans li atravè nòt pou laprès sila , pou di se twòp atò ak mizè atwòs sa k ap fini ak peyi a, kote toujou, dapre nòt la, timoun paka al lekòl , sila yo li rele « reziye  » yo, paka manje yon bout pen, pi mal ankò, dapre politològ la, ensekirite ak kidnapin anpeche malgre lavi chè a malere ak malerez yo al chache yon ti degaje pou timoun yo.

Pou jwenn yon ale mye ak moman fè nwa sila Kalebe Augustin ki santi l touche anpil paske, selon sa li vle fè kwè nan nòt la, li se yon Ayisyen menmjan ak tout sitwayen k ap viv sou sòl la malgre tansyon peyi a fè fanmi l ap mande pou li al viv lòt kote, pwopoze ak tout sektè nan vi nasyonal la pou fè yon melanj omojèn nan lide pou kapab diskite sou vrè pwoblèm peyi a.

Tout fwa li envite pou tout moun sa yo mete enterè pèsonèl yo yon kote, sa k ap pèmèt, selon Kalebe Augustin, diksyon yo chita sou tout sa k ap favorab pou pèp la, epi akouche yo jan sa ta dwe pou sila ki te ap viv depi plizyè ane nan mizè ka rale yon souf.

LEAVE A REPLY

Please enter your comment!
Please enter your name here